Sukses in die skadu

Tuinmaak op skaduplekke in u tuin kan ’n groot uitdaging bied, maar as u die regte plante kies, is u goed op pad na sukses.

Hier is ’n paar idees vir plante wat in verskillende soorte skadu groei :

• Gefiltreerde skadu word aangetref onder groot bome met oop takke wat spikkelsonlig deurlaat en bostoestande onder die bome skep. Goeie plantkeuses vir hierdie soort skadu sluit in coleus, varings, impatiëns, begonias, krismisrose, liriope, vingerhoedjies, philodendron, cordyline, cineraria, fairy primula en torenias.
• Halfskadu verwys na areas wat tot vyf uur direkte sonlig per dag kry en gefiltreerde of digte skadu vir die res van die dag. Dié soort skadu word dikwels langs tuinmure aangetref. Op plekke waar halfskadu is, kan u met sukses agapant, katjiepiering, plumbago, abelia en plectranthus kweek.
• Digte skadu is die moeilikste soort skadu om plante in te kweek. Probeer peace lily, aspidistra, fuchsias, krismisrose, ivy en asaleas in digte skadutoestande. Andersins kan u die skadu ligter probeer maak deur laer boomtakke te verwyder en hoër takke uit te dun. U kan plante ook aanmoedig om in baie digte skadu te groei deur hope kompos by die grond te voeg en die blare van plante met ’n verdunde oplossing van vloeibare misstof te spuit.